| Middoch op`n Buurnhowwe | |
| II- Östliche Bodemundart | |
| Wat mokt dat op`n Howwe `n Rai, dat Häuhner-, Jäns- un Eentenveih! De Schwiene quieken, Pere lachen, un in den Ställ`n en Bummsen, Krachen. De Käuh un Ossen brumm`n , krakielen, un Hans, de Bock, hiert op de spielen. Hei knabbert rum un leppt oon`t Duor un meckert laut un spitzt dat Uohr. Un Bello blafft, zarrt oon der Kedde un jiepert: Wenn ick ne ierscht hädde! De Duben gurrn, de Miez miaut, un "Hunger! Futter!" reppt et laut. De Stunn`n gohn hen, nu is`t sauwiet, von Torme liet et Middoostiet. "Maruschka, kumm, scher deck in Stall! Dat Vaih rament, et hungert all. Treck Hoschen oon! Klabastre rum! Un bind` de uole Scharte um! De Mogermelk den klaanen Farken! Den Käuhen ierscht de Kriww` utharken! Un Dimion, du uoler Dämel, seuk du dek man den Melkeschemel, un klemm den Emmer mank de Knien! Du moßt en betjen schwinner sien! Un denn man immer: stripp, strapp, strull, un melk den Emmer vull! Un dat dek nich, sie juo jeschaat, de kauhschwanz um de Uohrn schlaat!" Wenn alle schlabbern, schnurbsen, freeten, denn reppt de Buursche: "Rinkomen! Eeten!" |
|